Әлмәттә җәй матур мәдәни чаралар белән тәмамланачак

Әлмәтлеләргә җәйнең соңгы уикенды масштаблы мәдәни чаралар белән истә калачак. Шулай итеп, 27 августта  "Татнефть" хәйрия фонды ярдәме белән "Әлмәт" иҗтимагый үзәгендә фотограф Леонид Сорокинның "Шәһәрдә нефть" күргәзмәсе ачыла. Күргәзмә Әлмәттә Sample вакыйгалар программасының  дәвамы булачак.

"Шәһәр нефте" күргәзмәсе — Леонид Сорокинның нефть, табигать һәм шәһәр тормышы бәйләнешенең өзелмәс элемтәсен өйрәнү. Әлмәт һәм аның тирә-ягында нефтьнең булуы архитектурада, калкулы пейзажларда һәм күп катлы сәнәгать конструкцияләрендә сизелми торган метафорик киңлеккә әйләнә. Әлеге проект өчен төшерү урыннары Әлмәт тирәләре булган: шәһәр биналары, нефть качалкалары, җитештерү объектлары, август кырлары

Күргәзмәдән тыш, бу ялларда шәһәр халкын танылган композитор Эдуард Артемьевның 85 еллыгына багышланган махсус кино күрсәтү көтә. Юбилей программасына Андрей Тарковский, Никита Михалков тасмалары, шулай ук Артемьевның «Легенда №17» дигән соңгы эшләре керәчәк. 

Артемьевның искиткеч музыкасын танылган Россия актерлары плеяды катнашында эффектлы видеоряд алып барачак. Гала-концерт Татарстан Республикасы дәүләт академия симфоник оркестры, дирижер пульты артында — Россиянең халык артисты Сергей Скрипка катнашында узачак. Концертны классик музыка өлкәсендә Россиянең әйдәүче концерт агентлыкларының берсе Moscow Nights агентлыгы оештыра.

Леонид Сорокин күргәзмәсе һәм Эдуард Артемьев киноконцерты шәһәрдә гамәлгә ашырыла торган масштаблы мәдәни программаның бер өлеше булачак. Әйтик, 27 августта Әлмәттә «Каракүз» этно-модер фестивале тәмамлана, ул ай ярым эчендә Россиянең төрле төбәкләреннән 50 меңнән артык тамашачыны җыйды. Фестиваль кунаклары бер - берсенә охшамаган концертлар, театр куелышлары, юморчылар һәм стендаперлар чыгышлары, шулай ук милли ярминкәләр һәм уен мәйданчыклары белән хозурлана алдылар. Узган елдагы кебек үк, шәһәр һәм күрше төбәкләрдә яшәүчеләр өчен бай мәдәни программа «Татнефть» хәйрия фонды тарафыннан оештырылды.

2022 елның февралендә Sample командасы "Татнефть"хәйрия фонды ярдәме белән Әлмәттә заманча мәдәният үсешенә багышланган программа өстендә эшли башлады. Яз көне Казан рәссамы Зөһрә Сәлахованың татар фольклоры һәм аның геройлары турында "Урман" күргәзмәсе узды. Җәй көне "Каракүз" фестивале кысаларында "Смена" заманча мәдәният үзәге (Казан шәһәре) белән берлектә өч уикенд оештырылды, алар программасында спектакльләр, кино күрсәтү, лекцияләр, мастер-класслар, экскурсияләр, шәһәрлеләр белән дискуссия һәм китап корнеры узды.

Программаның барлык вакыйгаларында 1000нән артык кеше булды. Фестиваль шәһәрлеләрдән һәм катнашучылардан бик күп уңай фикерләр алды, шулай ук мәдәният белән кызыксынучы кешеләрне берләштерергә һәм Әлмәттә фикердәшләрнең яңа берләшмәсе булдырырга ярдәм итте.