Татар-информ
Татарстанда халыкка хәбәр итү системасын тикшерделәр
Тикшерү 10.00 сәгатькә билгеләнде, бу вакытта сөйләм сирена җайланмалары кабызылды.
Бүген Татарстанда халыкка хәбәр итү системасының әзерлеген комплекслы тикшерү үткәрелде. Бу хакта ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.
Чара Россия Гадәттән тыш хәлләр министрлыгы боерыгы нигезендә узды.
Моннан тыш, Россия телевизион һәм радиотапшырулар челтәренең филиалы – ТР Радиотелевизион тапшырулар үзәге 10.43 сәгатьтән 10.44 сәгатькә кадәр беренче мультиплекс программалар пакетына керүче барлык каналлар буенча бер минутлык ролик күрсәтте.
Следите за самым важным и интересным в Telegram-каналеТатмедиа