Коткару хезмәте 5 киңәш җиткерә

Күпчелек очракта кешеләр үлән яндыруның файдасы турындагы мифларга ышана. Кайчак янгыннар табигый сәбәпләр аркасында да килеп чыга (яшеннән, мәсәлән), ләкин мондый очраклар бик сирәк.
⠀
Табигатьтә ял итү фаҗига белән тәмамланмасын өчен Әлмәт муниципаль районы буенча күзәтчелек эшчәнлеге һәм профилактик эшләр бүлеге түбәндәгеләрне киңәш итә:
⠀
1) һәр гаиләдә ял вакытында куркынычсызлык чараларын җентекләп уйлагыз һәм аларның олылар һәм балалар тарафыннан тайпылышсыз башкарылуын тәэмин итегез;
⠀
2) янгыннарны булдырмас өчен бакча кишәрлекләрендә үлән, чүп-чар яндырмагыз (аны тиешле урында күмеп кую яхшырак); әгәр дә яндырасыз икән, һичшиксез, күзәтеп торыгыз;
⠀
3) ял урыннарында сүнмәгән учаклар, шырпы, тәмәке, пыяла шешәләр калдырмагыз (кояш астында алар лупа буларак ята, үләнгә ут кабуы бар);
⠀
4) тәмәке һәм шырпыны сүндергәч, чүп чиләгенә ташлагыз;
⠀
5) янган үлән яныннан узмагыз, янгынны үз көчегез белән сүндерә алмасагыз, «01» телефоны буенча (кәрәзле телефоннардан – 112) бердәм коткару хезмәтенә шалтыратыгыз.

Чыганак: ӘМР башлыгының матбугат хезмәте