Әлмәттә битлек режимын бозучыларны ачыклау буенча рейдлар дәвам итә
Көз көне, сезонлы вируслы авырулар арту чорында, COVID-19 таралуына юл куймас өчен җәмәгать урыннарында битлек кию зарур. ⠀
Полиция хезмәткәрләре гражданнарның сәүдә объектларында, җәмәгать транспортында, шул исәптән таксида да шәхси саклау чараларын куллануны тикшерә.
⠀
Битлек режимын бозучыларга карата РФ Административ Хокук бозу кодексының 20.6.1 маддәсе буенча беркетмәләр төзелә, җәза суд тарафыннан билгеләнә.
⠀
Битлек режимын беренче тапкыр бозган өчен кисәтү ясау каралган, тагын кабатланган очракта административ җәза бирелә.
⠀
Табиблар күрсәтмәләрен үтәү, саклык чараларын мөстәкыйль үтәү (битлекләр һәм респираторлар кию, кулларны дезинфекция чарасы белән эшкәртү, дистанция саклау) – авырулар санының артуын тоткарлау өчен кирәкле шартлар.
⠀
Гади куркынычсызлык чараларын үтәп, без үзебезне генә түгел, ә иҗтимагый иминлекне дә тәэмин итәчәкбез.
Следите за самым важным и интересным в Telegram-каналеТатмедиа
Оставляйте реакции
