Әлмәттә балалар ышаныч телефонының мөмкинлекләре турында сөйләштеләр
Җәмгыять

Әлмәттә балалар ышаныч телефонының мөмкинлекләре турында сөйләштеләр

Әлмәт муниципаль районының «Опека» үзәгендә яшүсмерләр өчен мөһим чара узды.

Әлмәт районы «Опека» комплекслы үзәгенең гаилә бүлекчәсендә яшүсмерләр өчен үзенчәлекле очрашу оештырылды. Төп тема — Балалар ышаныч телефоны. Белгечләр үсмерләргә тормышта авыр чакта кичекмәстән психологик ярдәм ничек алырга кирәклеген аңлатты.

Очрашуда төп игътибар психологик киртәләрне җимерүгә юнәлдерелде. Психолог билгеләп үткәнчә, билгесез номерга шалтыратудан курыку — табигый хис. Ләкин линиянең икенче очында һәрвакыт ярдәмгә әзер профессионаллар көтә. Ышаныч телефоны — ул чын мәгъндә өметсезлеккә бирелгән вакытта таяныч булучы «ярдәм күпере».

Белгечләр балаларга хезмәтнең төп өстенлекләрен санап үтте: шалтырату тулысынча бушлай; анонимлык саклана (исем-фамилияңны әйтү мәҗбүри түгел); хезмәт һәркем өчен ачык; серлелек (конфиденциальлек) принцибы үтәлә; ярдәмне квалификацияле психологлар күрсәтә.

  • Психологлар ышаныч телефонына кагылышлы мифларны таркатты һәм кызыклы фактлар китерде. Очрашу ахырында яшүсмерләргә проблемаларыннан куркып тормаска, ә аларны хәл итү өчен беренче адымны ясарга киңәш иттеләр. Моның өчен бары тик 8-800-2000-122 номерын җыярга гына кирәк.