Тормыш - яшәеш
Татарстанда тәрбиячеләр балаларның градусникны ватып, терекөмеш белән агуланганнарын яшергәннәр
"Эфир 24" хәбәр итүенчә, Яр Чаллы шәһәрендәге балалар бакчасы тәрбиячеләре балалар градусник ватканны аларның әти-әниләренә әйтмәгәннәр.
ЧП аркасында өч бала каза күргән. Ике көннән белгечләр бакчадагы һавада терекөмеш парлары булуны тикшереп караганнар. Нәтиҗә тискәре булган. Әмма анализ терекөмеш бер баланың организмында булуны ачыклаган.
Прокуратура учреждениенең мөдирен, медицина хезмәткәрләрен, төркем тәрбиячеләрен дисциплинар җаваплылыкка тартты. Хәзер алар эше белән тикшерү идарәсе шөгыльләнә.
Следите за самым важным и интересным в Telegram-каналеТатмедиа