Татарстан Рәисе Дәүләт Советына еллык Юлламасында киләсе 2027 елны республиканың беренче Президенты Минтимер Шәймиевкә багышлау турында белдерде. Бу карар күренекле дәүләт эшлеклесенең 90 яшьлек юбилее уңаеннан кабул ителгән.
Республикада 2027 ел Минтимер Шәрипович Шәймиев елы статусын алды. Бу турыда Татарстан Рәисе Рөстәм Миңнеханов Дәүләт Советына юллаган еллык мөрәҗәгатендә хәбәр итте.
Чыгышында Рөстәм Миңнеханов Минтимер Шәймиевның республика алдындагы хезмәтләренә җылы фикерләр белән мөрәҗәгать итте.
«Киләсе елда Минтимер Шәймиевкә 90 яшь тула. Ул иң авыр чорларда республикага җитәкчелек итте. Нәкъ шул елларда милләтләр һәм диннәр арасындагы татулык сакланды, күләмле социаль-икътисади программалар тормышка ашырылды. Күбебезгә ул чакта Минтимер Шәрипович командасында хезмәт итү бәхете елмайды. Мин дә аннан идарә итү тәҗрибәсенә өйрәндем. Олы рәхмәтемне кабул итегез, хөрмәтле Минтимер Шәрипович!» — дип ихлас сүзләрен җиткерде Рәис.
Үз мөрәҗәгатенең ахырында Рөстәм Миңнеханов 2027 елны рәсми рәвештә Минтимер Шәймиев елы дип игълан итте һәм чыгышын «Без булдырабыз!» дигән рухландыргыч сүзләр белән йомгаклады.