Татарстанда яшьләр сәясәтенең 400ләп активисты илкүләм проект кысаларында конкурста җиңде

Татарстанда яшьләр сәясәтенең лидерлары арасында үткәрелә торган «Яшьләр торак конкурсы»на гаризалар бирү кампаниясе старт алды. Ул республиканың яшьләр сәясәтен гамәлгә ашыруда актив катнашкан студент, аспирант, яшь галим һәм белгечләргә, авыл һәм эшче яшьләр вәкилләренә социаль ипотека программасы буенча торак шартларын яхшырту мөмкинлеге бирә. Татарстан Рәисе Рөстәм Миңнеханов ярдәме белән бу конкурс 2012 елдан оештырыла, дип хәбәр итә ТР Яшьләр эшләре министрлыгы матбугат хезмәте.

Шушы узган еллар эчендә анда яшьләр иҗтимагый хәрәкәтләренең 400дән артык активисты җиңгән.

Тулырак: https://tatar-inform.tatar/news/tatarstanda-yaslar-sayasatenen-400lap-aktivisty-ilkulam-proekt-kysalarynda-konkursta-inde-5893537