Әлмәттә юл хәрәкәте иминлеген тәэмин итү комиссиясенең чираттагы утырышы узды

Россия Эчке эшләр министрлыгының Әлмәт районы буенча Дәүләт автоинспекциясе бүлеге начальнигы Валерий Гыйздәтуллин 2025 елның беренче ике ае статистикасын бәян итте. Бу чорда 17 юл-транспорт һәлакәте теркәлгән, нәтиҗәдә 2 кеше һәлак булган һәм 18 кеше җәрәхәтләр алган. Бәхетсезлек очраклары кабатланмасын өчен профилактик чараларга һәм юллар төзеклегенә игътибарны арттыру зарурлыгы кабыргасы белән куелды. Утырышта шулай ук 2025 елның язгы чорында юлларның торышын яхшырту буенча планлаштырылган чаралар да игълан ителде.  Әлеге чаралар түбәндәгеләрдән гыйбарәт: салкын, кайнар һәм коелган асфальт-бетон катнашмасын, шулай ук агымлы инъекция ысулын кулланып чокырларны даими ремонтлау, 600 юл билгесен алыштыру һәм төзәтү, металл барьер киртәләрне яңарту, 1320 сигнал баганасын урнаштыру, тротуарларны чистарту һәм юл буендагы полосалардан чүп җыю, үлән чабу һәм юл билгеләре кую. Чаралар байтак, ләкин иң мөһиме - аларның үтәлүе шарт.