Әлмәттә «каршы полоса» профилактик чарасы уза
Әлеге акция 30 июньнән 9 июльгә кадәр дәвам итәчәк.
Әлмәттә «каршы полоса» профилактик акциясе уза. Әлеге акция юл-транспорт һәлакәтләрен профилактикалауга, юл хәрәкәте кагыйдәләрен тупас бозуларны, каршы як полосага чыгу белән бәйле административ хокук бозуларны кисәтүгә юнәлдерелгән. Бу хакта район башлыгының матбугат хезмәте хәбәр итә.
Әлеге профилактик акция 2023 елның 30 июненнән 9 июленә кадәр дәвам итәчәк.
Дәүләт автоинспекциясе хезмәткәрләре каршы як полосага чыгу куркыныч маневр һәм шәһәр читендәге автомобиль юлларында фаҗигале нәтиҗәләргә китергән юл-транспорт һәлакәтләренең иң еш очрый торган сәбәбе дип кисәтә. Каршы хәрәкәт полосасына чыгу торак пунктлардан тыш аеруча куркыныч тудыра, анда тизлек режимы югарырак һәм автомобильләр бәрелешү нәтиҗәләре авыррак. Мондый юл-транспорт һәлакәтләрендә, кагыйдә буларак, хокук бозучылар гына түгел, ә юл хәрәкәтенең башка катнашучылары да зыян күрә.
Гамәлдәге законнарга ярашлы, каршы як полосага чыгу өчен җәза РФ Административ хокук бозулар кодексының 12.15 статьясының 4 өлеше нигезендә 5 мең сум тәшкил итә яки дүрт айдан ярты елга кадәр транспорт чаралары белән идарә итү хокукыннан мәхрүм итү белән яный. Бу хокук бозуны кабат эшләү бер елга автомобиль белән идарә итү хокукыннан мәхрүм итүгә китерә.
Фото: эчке эшләр министрлыгының Әлмәт бүлеге
Следите за самым важным и интересным в Telegram-каналеТатмедиа