Чит ил күзәтүчеләре Әлмәттә 817 нче сайлау участогында булдылар

Кичә Әлмәткә чит ил күзәтүчеләре килде. Беренчеләрдән булып, алар Яшьләр үзәгендәге 792 нче сайлау участогының эшен бәяләделәр.

Бүген күзәтүчеләрнең эш көне 797 нче һәм 808 нче сайлау участокларында башланды. Шуннан соң делегация «Адымнар» полилингваль гимназиясенә, 817 нче участокка юл тотты.

Сайлаулар гел бәйрәм рухы тудыра, алар киләчәккә өметләр, планнар белән бәйле. Әлмәттә халыклар бердәмлеген тою мөмкинлеге чит ил күзәтүчеләрендә дә булды. Монда делегацияне коймаклар һәм бәйрәм белән каршы алдылар.

Шулай ук биредә белгечләр сайлау участогы эшен тикшерделәр һәм журналистлар белән аралаштылар.