Экология өчен һәркем җаваплы
«Татнефть» эшчеләре нефть чыгару, җир асты һәм капиталь ремонт операторларының эш маршруты буйлап икенчел чималны җыю һәм сортларга аеру буенча экобәйге оештырырга тәкъдим иттеләр .
Бәйгегә «Татнефть»нең 140 бригадасыннан заявка кергән.
Компания хезмәткәрләре өчен башкалар гына җавап-лылык тоярга тиеш дип санаган территорияләр юк. Эшчеләр көн саен кырлар, урманнар һәм таулар буйлап йөзләгән километр юл үтәләр. Кайвакыт юлда аларга вак һәм шактый ук зур булган чүплекләр очрый.
- Кызганычка каршы, мондый урыннар гел очрап тора, без аларны читләтеп үтеп китмибез. Ә экобәйге оештырылганнан соң бу эш тагы да оешканрак төс алды. Хезмәттәшләр белән ярышу үзе үк яхшы мотивация булып тора, - ди «Елховнефть» нефть-газ чыгару идарәсе операторы Альберт Мәсләхов.
Операторлар берничә ай дәвамында көн саен обходлар вакытында чүплекләрне карап-тикшереп йөргәннәр, аларның геопозициясен кушымтада теркәп барганнар. Аннары икенчел чималны оешкан төстә чыгарып, аны сортларга аерганнар. Иске шиннарны гына да тонна ярымнан артык җыя алганнар. Җыелган металл ватык-лары, ПЭТ-шешәләр, полиэтилен һәм макулатура шулай ук эшкәртүгә озатылган.
Иң күп икенчел чималны «Нурлатнефть»нең ике бригадасы җыйган, өченче урында -
«Елховнефть» идарәсе хезмәт-кәрләре.
Следите за самым важным и интересным в Telegram-каналеТатмедиа
Оставляйте реакции
