Әлмәттә эшсезләр саны ун ел элек булган дәрәҗәгә җитте

Быел эшсезләр саны ун ел элек булган дәрәҗәгә җитте. Ел башыннан «Россия эше» кадрлар үзәгенә 900 дән артык кеше мөрәҗәгать иткән. Беренче яртыеллык ахырына Әлмәттә эшкә урнашмаган 200дән артык граждан калган. 

«Россия эше» үзәге белгечләре һәм халык фикеренчә, эшне югалту күңелсез. Оешмаларның кыскарулары һәм ябылулары 2020 пандемия елына туры килә. Һәм соңгы өч елда кадрлар хезмәткәрләренә аның нәтиҗәләре  белән эш итәргә туры килә.

"2021-2022 елда районда уртача дәрәҗә 1000-1100 эшсез була. Белгечләр дәрәҗәне 700, 1000-700 гә кадәр төшерә алдылар һәм бу дәрәҗәне саклап кала алдылар", — дип аңлатты Әлмәт мәшгульлек үзәге директоры Роберт Ганиев.

Шул вакыттан бирле Әлмәт мәшгульлек үзәге хезмәткәрләре күрсәткечләрне башта ковидка хәтле  вакытка, ә аннары бөтенләй биш - җиде ел элек булган дәрәҗәгә кайтара алды.

Хәзер эшсезлек дәрәҗәсе 0,21% билгесендә тирбәлә, бу 236 кешегә исәпләгәндә. Ел башына Әлмәт шәһәре эшкә урнашмаган 163 гражданның 0,15% күрсәткече белән керде. Димәк, иң югары ноктасы ел уртасына туры килә, сезон яз-җәй. Узган елның июлендә районда 700дән артык эшсез булган. Вакансияләр ярминкәләрендә эш урыннары тәкъдим ителде

"Беренче яртыеллыкта без 10 вакансия ярминкәсе үткәрдек, анда 103 эш бирүче катнашты, һәм алар 359 вакансия тәкъдим итте", — дип белдерде мәшгульлек үзәге җитәкчесе.

Эшсез калган һәм үз эшен башларга карар иткән кешеләргә мәшгульлек үзәге дәүләттән матди ярдәм тәкъдим итә ала. Бердәнбер шарт-эшсез статусына ия булу. Беренче яртыеллыкта ярдәм программасында 7 үз эшен яңа башлаган бизнесмен катнашкан.

Соңгы вакытта хезмәт базарындагы хәл үзгәрде. Хәтта стажы булган кадрлар хезмәткәрләре дә - "Россия эше" белгечләре, предприятиеләр бүлекләрендә-кемгә кем кирәк булганын төгәл әйтә алмыйлар. Һәрвакыттагыча,  эшче һөнәрләргә ихтыяҗ зур. Ниндидер һөнәр иясе булмаганнар өчен, яки яңасын алырга карар иткәннәр өчен, мәшгульлек үзәгендә курслар үткәрәләр Өстәвенә, эшкә урнаштыралар.

30 ел элек аларны тунеядцы дип атаганнар, хәзер «профессиональ эшсезләр» – хезмәт министрлыгы эш эзләргә теләмәгән һәркем өчен «ике атна» сәясәтен керткән. Исәптә эш табарга теләмәүчеләргә 14 көннән артык торырга ярамый. Һәркемнең үз эше бар. Ел башыннан мәшгульлек үзәгендә 41 инвалид исәптә тора, шуларның 37се эш таба алган. 45 пенсионерның 32се эшкә урнашкан.