Россия ветераннарына булышу максатыннан уздырылучы хәйрия акциясендә Әлмәт волонтерлары да катнаша

20 апрельдә бөтен ил буенча «Красная гвоздика» бөтенроссия хәйрия акциясе старт алды – быел акциягә Россиянең 70тән артык төбәге кушылган. Бу төбәкләрдә волонтерлар үз шәһәрләренең урамнарына чыгып, кызыл канәфер билгеләрен таратачак, ә җыелган барлык акчалар илебез ветераннарына медицина ярдәме күрсәтүгә юнәлдереләчәк. Акция 22 июньгә кадәр дәвам итәчәк. Акцияне оештыручы -  «Память поколений» хәйрия фонды.

Акциягә Әлмәт волонтерлары да кушылды, алар шәһәр урамнарына чыктылар. 

Фото: "Волонтеры Альметьевска" төркеме