Ел башыннан бирле Әлмәт автоинспекторлары 72 аек булмаган шоферны тоткарлаган

Ел башыннан Әлмәт һәм Әлмәт районы территориясендә исерек хәлдә транспорт чарасы белән идарә итүнең 72 очрагы кисәтелгән. Аек булмаган хәлдә руль артына утырган яки медицина тикшеренүен узудан баш тарткан өчен хокук бозучы 30 мең сум штраф түләячәк һәм ел ярымнан ике елга кадәр машина йөртү зокукыннан мәхрүм ителәчәк. Кабат хокук бозу 264.1 җинаять статьясын куллану белән яный. Монда җәза катгыйрак – 300 мең сумга кадәр штраф, 3 елга кадәр, 2 елга кадәр  иректән мәхрүм итү.

"Алкогольле исереклектә булган һәм кешенең үлеменә китергән зат тарафыннан юл-транспорт һәлакәте очрагында ике елга кадәр иректән мәхрүм итү каралган. Ә үлүчеләр булса-4тән 9 елга кадәр иректән мәхрүм итү", - ди  Россия Эчке эшләр министрлыгының Әлмәт районы буенча ЮХИДИ бүлеге начальнигы Валерий Гыйздәтуллин.

Әлмәт районы буенча ЮХИДИ бүлеге «Гомерне коткар, исереклек турында хәбәр ит» дигән телеграмма-чат оештырды. Төркемдә аек булмаган хәлдә автомобиль белән идарә итүче шоферлар турында мәгълүмат кабул ителә.

"Исерек килеш руль артына утырырга ниятләүнең шаһиты булсагыз, ЮХИДИгә шалтыратыгыз, яки телеграмма-чатка смс языгыз. Гражданнарның актив ярдәме кешеләрнең гомерен саклап кала ала", - дип билгеләп узды Гиздатуллин.