Әлмәт районындагы Фатих Кәрими музеена уникаль экспонатлар тапшырылган

Аларны  Уфа дәүләт нефть институты профессоры Кашапов Әхсән Минһаҗ улының улы Айдар Әхсән улы Кашапов биргән. Ул бүгенге көндә Прагада яши. Башкортостан Республикасына Уфа шәһәренә кунакка килгәч, әтисенең шәхси китапханәсен караганда гарәп телендә китаплар таба. Китапларны өйрәнеп, Фатих Кәримнең бу китаплары, дигән нәтиҗәгә килгән. Социаль челтәрләр аша Татарстан Республикасында Әлмәт районының Миңлебай авылында Фатих Кәрим исемендәге мемориаль музей барлыгын белгәч, аларны музейга бүләк итеп бирергә карар кылган.

Киләчәктә бу китапларны өйрәнү, текстларны тәрҗемә итү планлаштырыла.