Ютәлдән миләш

Авыру зәгыйфьлек һәм бетмәс-төкәнмәс йөткерү алып килә, аны дәвалау бик авыр. Хәтта көчле антибиотиклар да ярдәм итми. Бу очракта халык медицинасы ярдәмгә килә. Мондый чараларның берсе-гади миләш.

Ни өчендер халыкта миләшне ютәлне дәвалау өчен сирәк кулланалар. Шулай да, ул бронхит яки трахеит белән эффектив көрәшә. Ютәлне дәвалау өчен җимешләрне дә, миләш чәчәкләрен дә кулланырга мөмкин. Шунысын да билгеләп үтәргә кирәк, миләшне нәкъ коры ютәл вакытында кулланалар.

Миләштә рекордлы күләмдә бета-каротин һәм ретинол бар. Шулай ук анда Е витамины күп. Бу матдәләр  сулыш юлларының ялкынсынуын бетерә, тукымаларны торгызуга ярдәм итә. Аскорбин кислотасы күп күләмдә миләш җимешләрендә бар, ул иммунитетны ныгыта.

Кыргый урман миләше йөткерүне бакчаныкына караганда тизрәк дәвалый. Бәлки, бу кыргый миләш җимешләренең витаминнарга бай булуы белән бәйледер.

Дәвалау рецептлары
Шулай итеп, коры йөткерүдән арыну өчен миләш кирәк. Аны  ваклап, шикәр белән болгаталар. Әлеге катнашманы суыткычта саклыйлар. Аны бер тәүлектән соң гына алырга мөмкин. Шикәрне тизрәк эретер өчен  шикәр пудрасы белән белән алыштыру яхшырак. Ашар алдыннан көненә 3 тапкыр ике аш калагы эчәргә кирәк. Бу йөкле һәм имезүче хатыннардан кала бөтен гаилә өчен файдалы. Әлеге файдалы катнашманы елның теләсә кайсы вакытында ясарга мөмкин.

Ютәлдән миләшнең чәчәкләре дә файдалы. Термоска 5 г вакланган чәчәкләргә бер стакан кайнар су салырга. 5 сәгать төнәтергә. Ашар алдыннан 100 гр эчәргә.

Табиб белән кинәшләшергә онытмагыз, сәламәт булыгыз!