Сарымсакның файдасын беләсезме?

Вируслы авыруларга каршы тору ягыннан сарымсак һәм суганның файдасы күптән билгеле. Сарымсак, чыннан да, бактериягә һәм вируска каршы үзенчәлекләргә ия, ул иммунитетны ныгыта.

Ләкин бу продуктны чи килеш куллану безнең организм өчен бик файдалы түгел. Күп кешеләр чи сарымсак пешерелгән белән чагыштырганда күпкә файдалырак дип уйлый, ләкин ялгыша. Пешкән килеш тә сарымсак үзенең файдалы сыйфатларын бик яхшы саклый.

Ашказаны авырулы кешеләргә чи килеш сарымсак ашау бигрәк тә киңәш ителми. Чөнки аны бер тапкыр гына кабып кую да ашказаны-эчәклектә булган барлык авыруларны кискенләштерә ала.