Әлмәтлеләрне мәктәп янында яшәүче эт өере борчый

Әлмәтнең 7 нче мәктәбе янындагы территорияне этләр өере басып алган. Бу хакта шул тирәдә яшәүче хатын-кыз Татарстан Дәүләт хезмәтләре порталында «Халык контроле» бүлегендә хәбәр итә.

Хайваннар подъездларга керә, балалар мәйданчыгында йөри. Шәһәр кешесе билгеләп үткәнчә, этләрнең берсе дә чипланмаган. Ул җаваплы кешеләрдән проблемага игътибар итүләрен сорый, балалар өчен куркуын билгеләп үтә. Шикаятькә хакимият вәкилләреннән җавап әлегә килмәгән. 

Фото: uslugi.tatarstan.ru