Җинаять һәм җәза
Аек булмаган хәлдә машина йөрткән әлмәтле 2,5 елга колониягә хөкем ителде
Әлмәттә аек булмаган хәлдә машина йөрткән егет полициягә каршы көч кулланганлыгы өчен 2,5 елга колониягә эләкте.
2025 елның гыйнварында 25 яшьлек әлмәтлене дәүләт автоинспекциясе хезмәткәрләре туктаткан. Документларны тикшерү барышында хокук саклаучылар машина йөртүчедә исереклек билгеләрен күргәннәр һәм транспорт чарасының двигателен сүндерүне таләп иткәннәр.
Әмма ир-ат буйсынудан баш тарткан һәм полиция хезмәткәренә карата көч кулланган.
Нәтиҗәдә, суд, Әлмәт шәһәр прокуратурасы позициясен исәпкә алып, ир-атны РФ Җинаять кодексының 318 маддәсе 2 өлеше буенча гаепле дип таныды һәм аны 2,5 елга колониягә хөкем итте.
Следите за самым важным и интересным в Telegram-каналеТатмедиа
Оставляйте реакции
