Кибеттән аракы урлаган әлмәтле рәшәткә артына эләкте

Әлмәтнең бер кибетендә вак урлау булган. Эш материаллары буенча, җирле кеше сәүдә объектыннан ике шешә аракы һәм газлы эчемлек алып чыккан. Зыян күләме бер мең сумнан  кимрәк.

Утырышта шәһәр кешесе гаебен таныды һәм үкенүен белдерде. Ир-ат административ җәза белән котылды. Рәшәткә артында ул алты тәүлек торачак, дип хәбәр итә Әлмәт шәһәр суды матбугат хезмәте.