Куршесен талаган әлмәтле гаепләнүче эскәмиясенә эләккән

"Йөзегеңне бир яки тураклыйм!", гаепләү версиясе буенча, моны үз корбанына гаепләнүче әйткән.

Әлмәт шәһәр судында талау турындагы җинаять эшен карауга керештеләр. Эш материалларыннан күренгәнчә, узган елның җәендә ир-ат кызны кунакка чакырган, ә фатирдан чыгар өчен аңа никах балдагын бирергә туры килгән.

Барысы да узган елның 1 августында булган.

- Кызымны кибеткә спиртлы эчемлекләр алырга җибәрдем. Ул озак кайтмады, аннары елап кайтып керде һәм миңа барысын да сөйләде, – ди  шаһит.

Кайтканда кыз гаепләнүчене очрата. Алар бер ишегалдында яшиләр. Күршесе аны кунакка чакырган. Шуннан соң гаепләнүче гади генә таләп куя: әгәр дә балдакны бирсәң, фатирдан чыгасың. Ә аннан соң булган хәлләр җинаять эше материалларына әверелде.

– Килеп туган вәзгыятьне һәм гаепләнүченең агрессив тәртибен, аның зыян күрүчедән физик өстенлеген исәпкә алып, соңгысы аның әйткән янавын чын дип кабул итте, - дип хәбәр итте дәүләт гаепләүчесе.

Гаепләнүченең гамәлләре «Разбой» Җинаять кодексының 162 маддәсе өлешенә керә. Мондый җинаять өчен закон тарафыннан каралган максималь җәза – 8 ел иректән мәхрүм итү. Суд ир-атның инде берничә тапкыр гаепләнүчеләр эскәмиясенә эләккән статьялар исемлеген укыды.  Ул индеталау һәм урлау, наркотиклар саклаган өчен хөкем ителгән булган. 

Гаепләнүче һәм аның яклаучысы утырышлар залына килмәгән шаһитлар турында үтенеч белән мөрәҗәгать итәләр. Суд үтенечне канәгатьләндерде. Барлык шаһитлар киләсе процесста катнаша алсын өчен, утырыш кичектерелде.