"Ярдәм янәшә! Помощь рядом!" республика хәрәкәтенең сайты һәм "кайнар линия"се булдырылды

Бу хакта Татарстанның СOVID-19га каршы көрәш штабы хәбәр итә. 

Хәзер республика хәрәкәтенең помощьрядом16.рф сайты һәм 8 (800) 700-92-05 "кайнар линия" телефоны бар. 

Ярдәмгә мохтаҗ булган очракта сайтның "Миңа ярдәм кирәк" бүлегендә проблеманы тасвирларга һәм анкета тутырырга кирәк.
Гражданнарга һәм бизнеска ярдәм чаралары турындагы консультацияне "Миңа консультация кирәк" бүлегендә алырга мөмкин.

Хәрәкәткә кушылырга теләүчеләр "Кушылырга" төймәсенә басып гариза җибәрә һәм ярдәм күрсәтә ала. 

"Ярдәм янәшә" массакүләм хәрәкәте Татарстан волонтерларын, битараф булмаучы республика халкын, компания җитәкчеләрен, бизнес вәкилләрен, хакимият һәм коммерциячел булмаган оешма вәкилләрен берләштерә.