Әлмәтлеләр Урсалыда төзелеш калдыкларын ташлаучы техниканы күрәләр

Урсалы Әлмәт микрорайонында төзелеш калдыкларын аударган "КамАЗ"ны видеога җирле халык төшергән.

Видеоны экологларга тапшырдылар.

Инспекторлар Зәй урамындагы урынга чыктылар. Территорияне тикшергәндә калдыклар җыю факты расланган. Гомуми пычрану мәйданы 2866 кв.м. тәшкил итә. Ике җир участогы физик затларга караганлыгы ачыкланган. Территориянең бер өлеше муниципаль милектә.

Район башкарма комитетына табигатьне саклау законын бозмаска дигән кисәтү җибәрделәр. Белгечләр чиновниклардан чүплекне бетерүне таләп итә. Шулай ук мәгълүматны административ җаваплылыкка тарту өчен шәһәр прокуратурасына җибәрделәр, дип хәбәр итә Татарстан экология һәм табигый байлыклар министрлыгының матбугат хезмәте.

Фото: Татарстан экология һәм табигый байлыклар министрлыгының видео скриншоты