Әлмәтнең җәмәгать транспортын Җиңү бәйрәменә бизиләр
Бәйрәм логотибы һәм «Бөек Җиңү бәйрәме белән» язуы белән 29 җәмәгать транспортынбизәячәкләр
Бөек Ватан сугышында Җиңүнең 80 еллыгы алдыннан Әлмәттә җәмәгать транспортын бизи башладылар.
Бәйрәм логотибы һәм «Бөек Җиңү бәйрәме белән» язуы белән 29 транспортны бизәячәкләр – троллейбуслар, электробуслар, ГАЗельләр һәм «НефАЗ» автобуслары.
Моннан тыш, Җиңү көне алдыннан җәмәгать транспортында сугышка багышланган тематик акцияләр узачак. Транспортта сугыш еллары җырлары, сугыш турында шигырьләр, шулай ук Бөек Ватан сугышы геройлары турында кыска хикәяләр яңгыраячак.
Шулай ук 9 Май алдыннан шәһәрдә һәм районда барлык мемориаллар һәм обелисклар тәртипкә китереләчәк.
Быел Россиядә Бөек Ватан сугышында Җиңүнең 80 еллыгы билгеләп үтелә. Шулай ук РФ Президенты Владимир Путин карары буенча 2025 ел Ватанны саклаучылар елы дип игълан ителде.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа