Әлмәтлеләр Мәңгелек утка чәчәкләр салу тантанасын онлайн карый алачак

9.00 сәгатьтә чикләнгән составта Мәңгелек утка чәчәкләр салыначак. Биредә шулай ук яңартылган мемориалны ачу тантанасы да уза. Район башлыгы Тимур Нагумановның район халкын Бөек Җиңү бәйрәме белән котлавы көтелә.  

Туры трансляция  социаль челтәрләрдә һәм "Луч" телеканалында оештырыла. 

19.00 сәгатьтә яу кырында ятып калган якташларыбыз хөрмәтенә бер минут тынлык игълан ителә.  

Аны "Үлемсез полк онлайн" Бөтенроссия  акциясе дәвам итәчәк. Шәһәр халкына бу көнне ветераннарның портретлары белән балконнарга чыгып, "Җиңү көне" җырын башкарырга тәкъдим итәләр.

22.00 сәгатьтә "Җиңү нурлары" шәһәр флешмобы уза. Анда катнашу өчен 22.00 сәгатьтә өйдән чыкмыйча гына смартфондагы фонарьны 75 секундка күккә төбәргә һәм нур җибәрергә кирәк.