«Татнефть» ААҖ генераль директоры Наил Маганов әлмәтлеләрне бәйрәм белән котлады
Хөрмәтле ветераннар һәм тыл хезмәтчәннәре! Хөрмәтле нефть төбәгендә яшәүче якташлар!
Быел без истәлекле вакыйганы – Бөек Ватан сугышында Җиңүнең 75 еллыгын билгеләп үтәбез. Кырык бишнең онытылмаслык яз көне 9 май илебез һәм бөтен кешелек тарихына совет халкының хәрби батырлыгы, рухи көчлелеге, бердәмлеге мисалы буларак кереп калды. Бу бәйрәм мәңге онытылмас, Җиңү хатирәсе буыннардан буыннарга тапшырылыр.
Бөек Җиңү бөек бәягә яуланды. Бүген һәр шәһәрдә, һәр авылда, һәр гаиләдә ул дәһшәтле сугыш корбаннарын, яу кырында ятып калганнарны кайгы һәм сагыш белән искә алалар. Аларга безнең олы ихтирамыбыз һәм чиксез рәхмәтләребез ирешсен!
Без фронтта каннарын һәм җаннарын аямыйча сугышкан каһарманнарга, тылда фидакарьләрчә эшләгән хезмәтчәннәргә, нефть сәнәгатен булдыручыларга, сугыштан соңгы авыр елларда илебезне күтәрүчеләргә рәхмәт белдерәбез.
Кадерле ветераннар! Сез безнең барыбыз өчен дә батырлык һәм намус, Ватанга мәхәббәт, тугрылык һәм риясыз хезмәт итү үрнәге булдыгыз һәм шундый булып каласыз! Туганнарыгызны һәм якыннарыгызны шатландырып, олы тормыш тәҗрибәгезне килер буыннарга тапшырып озак еллар яшәгез!
Сезгә нык сәламәтлек, иминлек, күтәренке кәеф телибез!
Бәйрәм белән! Бөек Җиңү Көне белән!
«Татнефть» ААҖ генераль директоры Наил МАГАНОВ
Следите за самым важным и интересным в Telegram-каналеТатмедиа
Оставляйте реакции
