Күршеләре аркасында Әлмәт районындагы 15 йортта газ сүндерелгән

Илтән-Бутада яшәүче үз белдеге белән газ колонкасын урнаштырган, дип хәбәр итә ТР дәүләт торак инспекциясе матбугат хезмәте.
Бу түбән басымлы газүткәргечкә су эләгүгә китергән. Проблеманы бетерү өчен белгечләргә гаепле кешегә генә түгел, ә аның 15 күршесенә дә газ белән тәэмин итүне вакытлыча туктатырга туры килде. Зәңгәр ягулык тапшыруны кирәкле эшләрдән соң яңарттылар.
Ярый әле барысы да вакытында хәл ителгән, чөнки нәтиҗәләр күпкә җитдирәк булырга мөмкин иде.