Тормыш - яшәеш
Вандаллар Әлмәттә ремонтлана торган җир асты кичүенә рәсем ясап бетергәннәр
Әлмәттә шәһәр халкын җәмәгать милкен сакларга чакыра.
Әлмәттә Төзүчеләр проспектындагы ремонтлана торган җир асты кичүенә вандаллар рәсем ясаган. Бу хакта район башлыгы матбугат хезмәте белгечләре үз телеграм-каналында хәбәр итә. Җир асты юлы стеналары хәзер язылып беткән.
«Кайбер шәһәр кешеләренең җәмәгать милкен кадерли һәм саклый белмәве бик кызганыч. Кадерле дуслар, әйдәгез иҗатны чыннан да урынлы җирләрдә генә кулланыйк!», – дип мөрәҗәгать итәләр әлмәтлеләргә.
Фото: t.me/pressalmet
Следите за самым важным и интересным в Telegram-каналеТатмедиа