ТР Конституциясе көне алдыннан Әлмәт гаиләсендә зур шатлык булган

Әлмәт районында яшәүче Айнур Мифтахетдинов һәм Камилә Хәсәнова гаиләсендә ике бала дөньяга аваз салган. ЗАГС идарәсе белгечләре игезәк балаларның ел башыннан 22 нче булып теркәлүләрен билгеләгән.

5 ноябрь көнне, Конституция көне алдыннан, ЗАГС идарәсендә игезәкләрне теркәгәннәр. Әти-әниләре сабыйларына Умар һәм Усман исемнәре биргән.

ЗАГС хезмәткәрләре бәхетле ата-аналарны икеләтә шатлык белән котлап, беренче дәүләт документларын - туу турында таныклык тапшырганнар.