Барлык техник бозуларны бетерү хәзер инспекциянең катгый контролендә.
Әлмәт торак инспекциясе «Алсу» идарәче компаниясенә начар эшләгән өчен 25 мең сум штраф салган. Тикшерүләр Гафиятуллин урамындагы 23 нче һәм 2а нчы йортларда яшәүчеләрнең шикаятьләреннән соң узды.
Беренче очракта идарәче компания кешедән милекчеләр реестрын бирү өчен ЕГРНнан өземтәне законсыз таләп иткән, гәрчә ул бу мәгълүматларны үзе сакларга тиеш булса да. Икенче йортта инспекторлар күп проблемалар табалар: юеш грунтлы подвал, тимер чыбыкка беркетелгән күгәргән җылыту торбалары һәм түбәгә чыгу өчен ишек булмау.
Участок начальнигына документлар бирүдән баш тарткан өчен кисәтү ясадылар.