Әлмәт спортчысы грек-рим көрәше буенча халыкара турнирда бронза яулады

Ингушетия республикасы Назрань шәһәрендә 21 яшькә кадәрге яшүсмерләр арасында Россия Герое Алихан Калимов истәлегенә халыкара турнир узды. Бу хакта районның физик культура, спорт һәм туризм идарәсе хәбәр итә.

Әлмәт спортчысы, олимпия резервы спорт мәктәбендә шөгыльләнүче  Ильяс Зиннуров 67 кг. га кадәр авырлык категориясендә бронза медаль яулады.

Турнирда Россия һәм Белоруссиядән иң көчле көрәшчеләр катнашты.

Спортчы тренерлар Эдуард Гаджиев, Эдуард Джанвелян, Данил Корнилов җитәкчелегендә шөгыльләнә.

Фото: Әлмәт физик культура, спорт һәм туризм идарәсе