Юлларда
Әлмәттә булган юл-транспорт һәлакәтендә 5 кеше зыян күргән
Авария тәүлекнең караңгы вакытында Шевченко урамында булган.
Лада Калина автомобиле Богдан 2110 машинасына бәрелә. 9 май көнне Шевченко урамында төнге сәгать унда юл-транспорт һәлакәте булган. 2000 елда туган Лада машинасын йөртүче икенчел юлдан хәрәкәт итә. Автоинспекторларның башлангыч мәгълүматлары буенча, ул 1997 елда туган йөртүче утырган Богдан автомобиленә өстенлек бирми.
Бәрелешү нәтиҗәсендә Ладаның руле артында утыручы һәм дүрт пассажир төрле дәрәҗәдәге җәрәхәтләре алган. Зыян күрүчеләр хастаханәгә озатылган.
Следите за самым важным и интересным в Telegram-каналеТатмедиа