Әлмәттә яшь машина йөртүче авариядән соң машина салонында кысылып калган

25 мартта  Әлмәтнең Шевченко урамында «Магнит» гипермаркетыннан ерак түгел  кичке сигезенче яртыда авария булган. Биредә юлны Hyundai һәм Toyota бүлешә алмаган. Көчле бәрелүдән ике автомобиль дә юл кырыена төшеп киткән.

"Hyundai җиңел машинасын йөртүче салонда кысылып калган, үзе килеп чыга алмагач, коткаручыларны чакыртырга туры килгән. Алар аны ашыгыч ярдәм медикларына да тапшырганнар. Зыян күргән егеткә 20 яшьтән дә артык күренми», — диләр вакыйга шаһитлары.