Әлмәттә «Тоннель» операциясе барышында 8 хокук бозу очрагы ачыкланган

Россия Эчке эшләр министрлыгының Әлмәт районы буенча ЮХИДИ бүлеге машина йөртүчеләрне массакүләм тикшерү буенча «ТОННЕЛЬ» профилактик операциясе үткәрде. Инспекторлар балаларны махсус җайланмасыз йөртүчеләр тарафыннан юл хәрәкәте кагыйдәләрен бозуны тикшерде.

Бер сәгать эчендә автоинспекторлар 50 машина йөртүчене тикшергән һәм 8 юл хәрәкәте кагыйдәләрен бозу очрагын ачыклаган: биш машина йөртүче куркынычсызлык каешларын эләктермәгән, икесенең ОСАГО полисы булмаган, балалар өчен махсус җайланмасыз йөрүнең 1 очрагына юлыкканнар.