ТР табиблары: кондиционер салкыны яки эссе кабу куркынычракмы?

Эсседә кондиционер ярдәмендә бүлмәне суыту омтылышы төрле авыруларга китерә, әмма эссе кабу да куркыныч.

«Эсселек вакытында нәкъ менә кондиционерлар фонында яки машинада суытуга бәйле төрле авырулар үсү куркынычы арта. Машинага утырдым — анда кондиционер тулы куәтенә эшләтәм, йә урам буйлап барганда кибеткә керәм, ә анда кондиционер бар көченә бүлмәне суыта. Куркынычын булганга күрә, мин барысын да чамалап эшләү яклы", - дип аңлатты Люция Фейсханова, ТР Сәламәтлек саклау министрлыгының гомуми табиблык практикасы буенча баш штаттан тыш белгеч.

Табиб мөмкин булган куркынычларны киметү һәм температураларның төшүен киметү өчен кондиционерны иң түбән егәрлектә кулланырга киңәш итте. Ә балаларга, КДМУ госпиталь педиатриясе кафедрасы ординаторы Мария Петрова сүзләренә караганда, эсседә дә, салкында да булу бик куркыныч.

«Балаларда терморегуляция бозылу очраклары күп, аларда организмны җылылык саклау да, эссегә яраклашу функциясе дә начар эшли. Шуңа күрә — салкын яки эссе азрак зарар китерә дип әйтү бераз сәер, чөнки балаларга оптималь температура кирәк. Җылыну да, суыту да куркыныч», - дип аңлатты педиатр.

Элегрәк «Татар-информ» МА һәр балалар өчен тәүлегенә сыеклык кабул итүнең үз нормасы булуын хәбәр иткән иде.

Сез дөрес медицина ярдәме күрсәтә алуыгызны тикшерү өчен Sntat сайтында тест үтә аласыз.