Әлмәт таңнары

Әлмәттә Бөтендөнья сәламәтлек көнен акция белән билгеләп үттеләр

Әлмәтлеләрнең поликлиникага мөрәҗәгать итмичә, ВИЧка аноним экспресс-тест тапшыру һәм кандагы шикәр, холестерин дәрәҗәсен тикшерү мөмкинлеге булды.

Сәүдә үзәгендә медицина профилактикасы үзәге һәм СПИД-үзәк хезмәткәрләре әлмәтлеләрдән бушлай анализлар алдылар һәм консультацияләр бирделәр.


СПИД-үзәкнең табиб-инфекционисты Әнвәр Абдуллов билгеләп үткәнчә, алар, кешеләрнең сәламәтлеген һәм авыруларны профилактикалауга игътибарын җәлеп итү өчен, мондый акцияләрне ешрак үткәрергә тырышалар.

Ул ассызыклаганча, СПИД-ул үлем авыруы, аның иртә диагностикасы кеше гомерен саклап калырга һәм әйләнә-тирәдәгеләрне сакларга мөмкин.

ВИЧ-статусны Түбән Мактама, Промышленная урамы, 1 а йорт адресы буенча Әлмәт СПИД-үзәгендә тикшерергә мөмкин. Моның өчен алдан язылып кую мәҗбүри түгел, ә анонимлык гарантияләнә.
⠀⠀
Күп кенә әлмәтлеләр әлеге очрактан файдаланырга ашыктылар һәм сәламәтлекләрен тикшерделәр.

Укучылар да истәлекле датаны үзенчә билгеләп үттеләр. Алар өчен«Волонтерлар-медиклар» хәрәкәте вәкилләре, «Сәламәт тәндә сәламәт акыл» дигән квест үткәрделәр, анда сигезенче сыйныф укучылары кан басымын үлчәргә өйрәнделәр һәм сәламәт кешенең нинди күрсәткечләре булырга тиешлеген белделәр.

Реклама


«Волонтер-медиклар» бөтенроссия иҗтимагый хәрәкәтенең Әлмәт бүлеге җитәкчесе Зәринә Сәлахова, бу белемнәр ярдәмендә балалар үзләренең өлкән һәм кече туганнарына, якыннарына һәм дусларына, сәламәтлекләренә куркыныч янаган очракта, ярдәм итә алачаклар, дип билгеләп үтте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: