Татарстанда социаль инфраструктураны анализлау һәм исәп-хисап ясау белән иҗтимагый киңлекләр үсеше институты шөгыльләнәчәк
Рөстәм Миңнеханов балаларны инфраструктура булмаган җирлекләрдән мәктәпкә йөртүне оештырырга дигән күрсәтмә бирде.
ТР Президенты шәһәр яны поселокларында мәктәпләр төзү мәсьәләсе буенча киңәшмә уздырды, бу хакта ТР Президенты матбугат хезмәте җитәкчесе Лилия Галимовага сылтама белән «Татар-информ» хәбәр итә.
Шул ук вакытта куркынычсызлык чараларына аерым басым ясарга кирәк. Шулай ук Президент территорияләрне анализларга һәм җирлектә мәктәп таләп ителгән очракта, проектлау өчен техник биремне рәсмиләштерүгә керешергә кирәклеген билгеләп үтте.
Төзелеш турындагы карар теге яки бу территориядә яшәүче гражданнарның реаль ихтыяҗыннан чыгып кабул ителәчәк.
«Татарстанда социаль инфраструктурага анализ һәм исәп-хисап ясау белән иҗтимагый киңлекләр үсеше институты шөгыльләнәчәк, ул республика Президенты йөкләмәсе буенча шушы арада оештырылачак. Моннан тыш, Институт муниципалитетларга ревизия ясаячак. Бу — кирәкле инфраструктураны исәпкә алмыйча, торак массивларын төзү турында карар кабул иткән җитәкчеләрне ачыклау максатыннан эшләнә. Соңгы вакытта җирле халык өчен бу кыенлыклар тудырды», — дип аңлатты Галимова.
Следите за самым важным и интересным в Telegram-каналеТатмедиа
Оставляйте реакции
