ДОСААФның Әлмәт автомәктәбе базасында «Яшь машина йөртүче» бәйгесенең район этабы узды

Алар машина йөртү осталыгын һәм юл хәрәкәте кагыйдәләрен белүләрен күрсәтте. Бәйгедә егетләр генә түгел, кызлар да үзләрен сынап карады.

Нәтиҗәләр буенча иң яхшылар билгеләнде. Татар-төрек лицее егетләре җиңүче булып танылды. Өченче урында Руслан Алтынбаев, икенчелек Камил Хәбибуллинда, беренчелекне Айнур Вафин яулады. «Юл йөрү кагыйдәләрен белүче» номинациясендә шулай ук Айнур Вафин иң яхшысы булды. «Фигуралы йөрү» номинациясендә Руслан Алтынбаев бүләкләнде.