Тимур Нагуманов әлмәтлеләрне бәйрәм белән тәбрик итә

Кадерле нефть һәм газ сәнәгате хезмәткәрләре!

Хөрмәтле тармак ветераннары!

Сезне чын күңелдән һөнәри бәйрәмегез – Нефть һәм газ сәнәгате хезмәткәрләре көне белән тәбрик итәм. Нефть эше - нефть чыгару, нефть химиясе һәм нефть сервисы предприятиеләре, эшкәртү производстволары, транспорт, машина төзелеше, төзелеш хезмәткәрләре эшчәнлегенә бәйле булган катлаулы технологик һәм оештыру процессы. Хезмәткәрләрнең югары һөнәри осталыгы, җаваплылыгы һәм компетенцияләрнең сыйфатлы үсеше тармакка уңышлы, тотрыклы һәм заманча булырга мөмкинлек бирә.

Агымдагы елда без «Татнефть» компаниясе оешуга 70 ел тулуны билгеләп үтәбез. Бу - бөтен Әлмәт, бөтен Татарстан Республикасы өчен зур горурлык һәм олы бәйрәм. Өзлексез үсеш, заман таләпләренә инновацион алымнар белән якын килү компанияне ел саен сыйфат ягыннан яңа дәрәҗәгә күтәрә. Алгарышка, яхшыртуга һәм модернизацияләүгә омтылу, производствоны нәтиҗәле диверсификацияләү һәм технологияләрне үстерү, идарә итүдә грамоталы чишелешләр табу, хезмәткәрләрнең һөнәри-шәхси үсеше турында кайгырту һәм көчле корпоратив культура - болар барысы компаниягә югары нәтиҗәләргә ирешергә мөмкинлек бирә. Компаниянең уңышлы эшчәнлеге, яңа эш урыннары булдыруы һәм шәһәрләр инфраструктурасын үстерүе республикабыз үсешенә гаять зур йогынты ясый. Компания социаль инвестицияләргә һәм хәйриячелеккә аеруча зур игътибар юнәлтә һәм гаять җаваплы карый. «Татнефть» компаниясе генераль директоры Наил Өлфәт улы Магановка аерым рәхмәт сүзләрен җиткерәсе килә. Аның ярдәме һәм социаль мәсьәләләрне хәл итүдә булышлыгы бәрабәренә шәһәрдә бер генә проблемалы мәсьәлә дә игътибардан читтә калмый. Без Әлмәтнең көннән-көн үзгәрүен күрәбез. Уңайлы шәһәр мохиты булдыру, медицина, спорт, мәгариф һәм сәнгатькә ярдәм итү - шәһәр һәм район тормышының барлык өлкәләрендә дә «Татнефть» компаниясе актив катнаша һәм һәрвакыт ярдәм кулын суза, киләчәк шәһәрен төзи - әлмәтлеләрнең бәхетле һәм рәхәт тормышы өчен бөтен уңайлыклары булган, заманча киңлек булдыра.

Татарстан нефть-газ тармагының бүгенге казанышлары берничә буын нефтьчеләрнең тырыш хезмәтеннән башка мөмкин булмас иде. Ватан хакына хезмәт иткән, нефтьче һөнәренең бәяләп бетергесез тәҗрибәсен булдырган һәм ишәйткән һәркемгә рәхмәтебез чиксез зур. Яшьләребез сезнең максатка омтылучанлык, эшкә сәләтлелек, үз эшегезгә бирелгәнлек кебек сыйфатларыгызны үрнәк итеп алсын һәм җиңел булмаган, әмма җәмгыять өчен файдалы һәм кызыклы эшегезне уңышлы дәвам итсен иде.

Бәйрәм белән! Барыгызга да ныклы сәламәтлек, һөнәри уңышлар, гаилә иминлеге, тыныч тормыш телим.

Әлмәт муниципаль районы башлыгы Тимур Нагуманов