Марат Галиев: нефть бәяләренең төшүе Америка сланецларына каршы юнәлдерелгән
Хәзер нефть чыгаруның сланец алымнарының үзкыйммәте традицион ысуллардан югарырак.
Дөнья базарларында барган хәлләр, нефть котировкалары, беренче чиратта, Америка сланец компанияләренә каршы җибәрелгән. Андрей Кузьмин белән әңгәмәдә ТР Дәүләт Советы депутаты, Икътисад, инвестицияләр һәм эшкуарлык комитеты әгъзасы Марат Галиев шундый фикер белдерде.
Аның сүзләренә караганда, игълан ителгән бәяләр көрәшенең максаты булып углеводородлар чыгаруның яңа сланец методын кулланучы Америка нефть компанияләрен бетерү тора.
"ОПЕКта АКШта сланец нефте чыгаруның бу тармакны үзгәртүен күрдек. <...> Шуңа күрә бәяләр төшүгә ирешүчеләр АКШның сланец индустриясен бөлгенлеккә төшерергә исәп тоткан", - дип аңлатты Марат Галиев.
Ул ассызыклаганча, АКШ сланецларын базардан китүгә этәрүче конкрет бәяләр юк. Барысы да конкрет ятмалардан һәм компанияләрдән тора.
«Әйе, бәя кискен кими икән, сланецларның бер өлеше базардан китәчәк. Нәтиҗәдә, артык нефть кими, ә ихтыяҗ һәм тәкъдим дөнья күләмендә баланс табачак. Һәм нефтькә бәяләр өскә таба барачак", - диде Марат Галиев.
Марат Галиев белән әңгәмәнең тулы версиясен sntat.ru сайтында укый аласыз.
Следите за самым важным и интересным в Telegram-каналеТатмедиа
Оставляйте реакции
