Рөстәм Миңнеханов Әлмәттә яңа иҗтимагый мәдәни үзәкне бәяләде

Проект «Татнефть» ярдәме белән компаниянең социаль программалары кысаларында тормышка ашырылды. 
Республика башлыгына беренче катта урнашкан мәгълүмати-күргәзмә киңлеген тәкъдир иттеләр.

Биредә дөнья 'халыкларының музыкаль уен кораллары күргәзмәсе оештырылган, ә Әлмәт музыка көллияте студентлары Татарстан Президентына үз сәләтләрен күрсәтте.

Шулай ук Рөстәм Нургалиевич «Мадонна с младенцем» картинасының мультимедиа экспозициясендә булды.

ТР Президенты цифрлы иҗат академиясен дә карады, анда балалар компьютер дизайны, графика, анимация һәм медиа өлкәсендә белем һәм күнекмәләр алачак. 
Рөстәм Миңнехановны шулай ук икенче каттагы «Альметрика» белем бирү киңлеге белән таныштырдылар.

Бу халыкара СИ системасында кабул ителгән үлчәү берәмлекләре тирәсендә төзелгән үлчәүләргә һәм экспериментларга багышланган интерактив фәнни күргәзмә. Берничә экспериментта төбәк башлыгы үзе катнашты. 
Рөстәм Нургалиевич проектны югары бәяләде. Әйтергә кирәк, әлеге киңлекләрдән тыш, иҗтимагый мәдәни үзәктә лингвистика үзәге ачылачак, ә дүртенче һәм бишенче катны ресторан, бар һәм ике зур тамаша залы алып торачак.