Агымдагы елның ике аенда Әлмәт шәһәре һәм районы территориясендә 18 юл-транспорт һәлакәте теркәлгән. Аларда ике кешенең гомере өзелгән, унҗидесе төрле тән җәрәхәтләре алган.
Узган ел бу чорда 28 юл фаҗигасе булган. Аларда 5 кеше үлгән, 31 кеше төрле тән җәрәхәтләре алган була. Юл-транспорт һәлакәтләре килеп чыгуның төп сәбәпләре - транспорт чараларының юлларда кагыйдәләрне бозуы, юл йөрү чиратын үтәмәүләре һәм җәяүлеләр кичүендә кагыйдәләрне сакламаулары.