Әлмәттә балалар бакчаларының берсендә баланы урамда онытып калдырганнар
«Знамя труда» газетасы редакциясенә урамда онытылган баланың әти-әнисе мөрәҗәгать итте.
Вакыйга күзәтү камералары төшергән видеоларны караганнан соң билгеле була. Видеоязмада тәрбиячеләрнең балаларны уен мәйданчыгыннан алып китүләре күренеп тора, бер минуттан соң балалар бакчасы территориясендә 15-20 минутлап ялгыз йөрүче бала күренә.
Ачулары чыккан ата-аналар мәктәпкәчә балалар учреждениесе җитәкчелегенә мөрәҗәгать итә, әмма алар көтелмәгән җавап ала, имеш, бала үзе гаепле, ул тәрбияченең күз алдында булырга тиеш. Ә балага нибары яшь ярым.
Шулай ук ата-аналар билгеләп үткәнчә, бу әлеге балалар бакчасында гадәттән тыш хәлләрнең беренче очрагы түгел. Тагын бер видео җибәргәннәр: анда бер малай икенчесен башы белән идәнгә бәрә, ә кече тәрбияче янәшәдә булса да битараф кала. Бу хәлдән соң баланың сәламәтлеге начарланган дип хәбәр ителә.
Балалар бакчасында хезмәт күрсәтү бәясе аена 10000 сум тәшкил итә. Ата-аналар балаларны карау буенча сыйфатлы хезмәт күрсәтүгә исәп тота.
Видео шулай ук әлеге мәктәпкәчә белем бирү учреждениесен тикшерү инициативасы турында тиешле карар кабул итү өчен Әлмәт прокуратурасына җибәрелгән.
Фото: Знамя труда
Следите за самым важным и интересным в Telegram-каналеТатмедиа
Оставляйте реакции
