Әлмәт-идеяләр һәм мөмкинлекләр туу урыны

Әлмәттә 30-31 октябрь көннәрендә «Россиянең креатив атнасы - шәһәр» узды.

Ул бер мәйданчыкта 100дән артык креатив тармак белгечләрен – кино, сәнгать һәм мәдәният, архитектура һәм урбанистика, реклама һәм брендинг, мода һәм гастрономия эшлеклеләрен берләштерде.

Форум федераль һәм төбәк хакимиятләре, үсеш институтлары, корпорацияләр һәм креатив бизнес вәкилләре катнашында пленар сессия белән ачылды. Дискуссиянең төп термины «Визионер-шәһәр» булды – үз халкы өчен төзелә һәм үсә торган киләчәк шәһәре.

Төп тезис: Әлмәт-корпорациянең, чимал гиганты буларак, 15 объекттан торган креатив инфраструктурага һәм, иң мөһиме, кеше капиталына акча салып, тулы бер шәһәрнең продюсеры булып чыгыш ясау үрнәге ул.

Сессиянең модераторы, «Креатив икътисад» АНО президенты Марина Монгуш ассызыклаганча: «Креатив — ул яңа нефть».

Спикерлар белән билгеләнгән төп үсеш векторлары:

Петр Корягин, Россия Федерациясе Президентының иҗтимагый проектлар буенча идарәсе, баш киңәшче, композитор һәм режиссер.  Киләчәк шәһәрен конструкцияләүдә традицияләргә таянырга чакырды, атаклы бабаларыбыз тәҗрибәсенә таянып — бу теләсә кайсы иҗади кеше өчен гаять зур туфрак.

Марина Монгуш билгеләп үткәнчә, яңа икътисадта креатив индустрияләр — ул барыннан да элек интеллектуаль милек, продукт һәм икътисадый модельләр, ә чиста иҗат кына түгел.

«Татнефть» ГАҖ генераль директорының социаль үсеш буенча урынбасары Ренат Мамин ассызыклаганча, нефть ресурсларын диверсификацияләү һәм чикләү шартларында компаниянең социаль инвестицияләре шәһәр һәм төбәк киләчәгенә венчур инвестицияләре булып тора.

Сессия кысаларында Әлмәттә төбәк кинокомиссиясе һәм кинопавильон булдыру турында да фикер алыштылар. Татарстан республикасы мәдәният министры Ирада Әюповага шундый инициатива белән «Татнефть» ГАҖ генераль директорының социаль үсеш буенча урынбасары Ренат Мамин чыкты.  Проектны гамәлгә ашыру Татарстанның көньяк-көнчыгышында кино җитештерү өчен заманча инфраструктура булдырырга мөмкинлек бирәчәк.

Ренат Мамин: «Мондый проект Татарстанда креатив индустрияләр үсешенә көчле этәргеч бирәчәк. Әлмәттә моның өчен алшартлар бар: цифрлы иҗат, анимация, вокал, инструменталь сәнгать, театр һәм КВН мәктәпләре көчле. Кинокомиссия булдыру иҗади экосистеманы йомып, аны креатив икътисад дәрәҗәсенә күчерә торган берләштерүче элемент булачак. Без бу карарларны сынау өчен лаборатория булырга һәм үз тәҗрибәбез белән уртаклашырга әзер».

Безнең компаниянең стратегиясе, Ренат Мамин ассызыклаганча, озак вакытлы социаль инвестицияләргә, талантлар өчен уңайлы мохит булдыруга һәм эшчәнлекнең яңа юнәлешләрен үстерүгә юнәлдерелгән. Шулай итеп, бөтен төбәкнең киләчәге өчен нигез салына.