2024 ел башыннан Әлмәт районында янгыннарда өч кеше һәлак булган

Әлмәт районында 2024 ел башыннан бирле 168 янгын теркәлгән. Аларда өч кеше һәлак була. Тагын 10 кеше имгәнгән.

Бу хакта атналык планеркада күзәтчелек эшчәнлеге һәм профилактика эше бүлеге башлыгы Равил Хөсәенов хәбәр итте. Язгы-җәйге янгын куркынычы чоры башыннан бирле коры үлән һәм чүп-чар януның 44 очрагы теркәлгән. Янгын күзәтчелеге башлыгы билгеләп үткәнчә, хәзер көзге-кышкы чорга әзерлек бара, дип хәбәр итә Әлмәт районы матбугат хезмәте.

Фото: Әлмәт районы башлыгы матбугат хезмәте