Әлмәттә ишегалды бәйрәмнәре гөрли
«Безнең ишегалды – игелекле күршеләр» проекты кысаларында бәйрәмнәр Чехов, 40, 42, Пушкин 41а, 43 һәм Ленин, 20, 24 адреслары буенча урнашкан ишегалларында узды.
Башкарма комитет җитәкчесенең цифрлы үсеш буенча урынбасары Рифнур Камалов әлмәтлеләрне ремонт эшләре тәмамлану белән котлады.
Территориаль иҗтимагый үзидарә тормышында актив катнашканнары өчен лаеклы бүләкләрне Ленин урамындагы 24нче йортта яшәүче Нина Ивко һәм Пушкин урамындагы 41а йортта яшәүче Надежда Папшева алды.
Шулай ук 18 нче территориаль иҗтимагый үзидарә рәисе Гөлзәминә Сәмигуллинаны да котладылар.
Ишегалдында яшәүчеләр өчен концерт номерлары күрсәттеләр, уеннар, мастер-класслар оештырдылар.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа
Оставляйте реакции
