Әлмәтлеләр "Эшкә велосипедта" акциясендә катнашты

Шәһәрдә балалар һәм яшьләр эшләре идарәсе ярдәме белән физик культура, спорт һәм туризм идарәсе оештырды.

Эшкә яки велосипедта, самокат яки гироскутерда барган һәркем акциядә катнаша алды.

Шәһәр урамнарында җиде «энергетик нокта» оештырылды, акциядә катнашучылар  тәмле иртәнге кабымлык һәм истәлекле открытканы үз эченә алган махсус пакет алды.

Оештыручы тарафыннан 500 пакет һәм бүләкләр әзерләнгән иде, акциядә катнашучылар күбрәк булды. Оештыручылар бүләк пакетларының санын киләсе тапкыр арттырырга вәгъдә бирде.

Акциядә шулай ук район башлыгы Тимур Нагуманов, район башлыгы урынбасары Марат Гыйрфанов, балалар һәм яшьләр эшләре буенча идарә башлыгы Илнур Фәсхетдинов, шәһәр предприятиеләре һәм оешмалары җитәкчеләре катнашты.

"Акция беренче тапкыр гына узмый, әмма быел без аны бераз башка форматта уздырырга булдык. Без партнерларыбыз белән бергә  пакетлар таратабыз. Һава торышына карамастан, күпләр катнашты. Мин шәһәр буйлап бардым һәм бик күп кешеләрне, коллективларны һәм мәктәп укучыларының зур төркемнәрен күрдем. Без акцияне кабатларга планлаштырабыз, бәлки, айга бер тапкыр уздырырбыз", - диде Тимур Нагуманов.

Шулай ук предприятиеләр арасында «Трамплин» кибетләре челтәре һәм «Болт»спорт кибете ярдәмендә иң актив катнашуга конкурс оештырылды. Чарада Транснефть, МСП Нефтегаз, Зенит Банкы, Әлмәт Водоканалы һәм башкалар катнашты. Иң активларга энергетик эчемлекләр рәвешендә  тапшырылачак.

Әлмәт муниципаль районы Башлыгының матбугат хезмәте