Әлмәттә Яңа ел бәйрәмнәре алдыннан 24 парның никахы теркәлгән

Әлмәттә кышкы туйлар гөрли. 

Әлмәт муниципаль районы башкарма комитеты ЗАГСында яңа ел бәйрәмнәре алдыннан 24 гаилә үзләренең никахларын теркәделәр. 2021 ел башыннан бирле Әлмәт шәһәрендә 1154 пар гаилә корган.

ЗАГС коллективы яшь парларны чын күңелдән аларның тормышларындагы төп вакыйга белән тәбрик итә. Аларга озын бәхетле гаилә тормышы, үзләренең дәвамын күрүләрен, сәламәт балалар табуларын тели.