Әлмәт таңнары

Әлмәттә беренче балык тоту фестивале узды

Киләсе ярыш март аенда, сулыклардагы боз эрегәч булачак.

Әлмәттә беренче балык тоту фестивале булды. Әлмәт сусаклагычына балык тоту өчен иллеләп балыкчы чыкты. Алар барысы да республика шәһәрләреннән килгән. Бу хакта «Әлмәт ТВ» хәбәр итә.


Кышкы балык тоту ярышларында гүзәл затларның бердәнбер вәкиле - Наилә Шәйдуллина. Ул тотылган балык күләменә бик шатланмады, күбрәк тоткан вакытлар да бар иде диде ул. 


Ярыш дүрт сәгать дәвам иткән. Ярыш булган  көнне урамда ун градуслы салкын булса да, сусаклагычта да, кырда да  җил аркасында минус 20 иде. Катнашучыларны җылыту өчен, оештыручылар шулпа әзерләргә булган.

Реклама


Мондый фестивальләр республиканың башка районнарында да үткәрелә. Киләсе ярышны балыкчылар сулыклардагы боз эрегәч үткәрергә җыеналар. Март аенда алар Түбән Кама районында очрашырга планлаштыралар.

 

Фото: Әлмәт ТВ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: